(Видео) Виктор и Маријанка изгореа живи пред ќерката и внуците по сообраќајка во Грција

Виктор (59), неговата сопруга Маријанка (57) и нивниот пријател (61) трагично загинаа откако живи изгореа во тешка сообраќајна несреќа што во понеделникот се случи во Грција, на наплатната рампа од автопатот „Егнатија“, објави „Телеграф.рс“.

Несреќата се случила нешто по пладне, во близина на наплатната станица Јасмос, кога камион удрил во два автомобили, по што возилата се запалиле.

Еден од очевидците за медиумите изјавил дека сè уште ги слуша криците на настраданите.

„Ги слушавме сите тројца како молат да ги извадиме. ’Извадете нè, помогнете, спасете нè’, викаа. Живи гореа пред наши очи“, раскажал сведокот на стравичната сцена.

И покрај обидите на присутните, животите на несреќните луѓе не можеле да бидат спасени.

„Не можевме да ги извадиме, беа заглавени“, додал очевидецот.