Фото: Принтскрин
Рускиот претседател Владимир Путин наводно ја понудил Москва како домаќин на трилатерален самит со својот украински колега Володимир Зеленски и американскиот претседател Доналд Трамп, но идејата била одбиена од Киев, кој ја оценил како провокативна.
Ова го пренесува Би-Би-Си, повикувајќи се на два извори запознаени со содржината на телефонскиот разговор меѓу Путин и Трамп.
Паралелно со тоа, италијанската премиерка Џорџа Мелони излегла со алтернативна иницијатива – самитот да се одржи во Рим. Нејзиниот предлог бил прифатен со позитивен одѕив и од страна на Трамп и од страна на Зеленски, пренесува британскиот Скај њуз.
