Фото: Принтскрин
Дојранското езеро беше едно од најпопуларните во минатото кај семејствата со мали деца, но и кај останатата популација, меѓутоа оваа година ситуацијата е очајна.
Туристи речиси и да нема, а Општина Дојран очигледно не се грижи воопшто за тоа, барем така покажува фактичката состојба.
Плажи кои не се средени, промоција на прекрасното езеро нема никаква, но затоа има зонско паркирање кое дополнително ги „брка“ туристите, како што пристигнаа поплаки од наши читатели.
Тие велат дека сакале макар на еден ден да го посетат градот, но очигледно не можеле да паркираат затоа што насекаде има зонско паркирање.
Доколку се погледне генералната слика за Дојран ова лето, може да кажеме дека е чиста катастрофа, иако со фестивалот барем малку се обиде да остане во „живот“, сепак локалната самоуправа очигледно не се грижи за сè останато и има „идеал рецепт“ за тоа како да ги избркате туристите.
Во изминатите денови можевме да погледнеме и како доброволци сами го чистеа каналот за дополнување на вода во езерото, зашто тоа најверојатно не било „надлежност на општината“, а како што може да забележиме очигледно нивна единствена „надлежност“ е уништување на тоа што остана.
