Фото: Принтскрин
Македонската тенисерка број еден, Лина Ѓорческа, забележа значителен скок на најновата ВТА ранг-листа објавена денес, искачувајќи се за дури 73 позиции.
По одличните настапи на двата последователни турнира во Куршумлијска Бања, каде што стигна до финалето и освои вкупно 72 поени, Ѓорческа се проби на 282. место во светот. Со ова, таа повторно се врати на нивото од почетокот на 2025 година, кога ја започна сезоната како 281. тенисерка на планетата.
Иако актуелниот пласман ѝ е сè уште далеку од највисокиот во нејзината кариера – 170. место – постигнат пред неколку сезони, формата во која се наоѓа е показател дека до крајот на оваа година има реални шанси да се доближи до најдобрите резултати.
