Македонија изгуби уште еден млад живот – на 21-годишна возраст почина Виктор Боневски, фудбалер кој со месеци водеше битка со тешка болест. Иако беше подложен на операција и лекувања, за жал неговата сила не беше доволна да ја победи оваа сурова болест. За неговата смрт прв ја извести неговиот брат Даниел, а на социјалните мрежи следат бројни пораки на сочувство од семејството, пријателите и спортската јавност.
Боневски својата фудбалска кариера ја започна со многу ентузијазам, но таа повеќепати беше прекинувана поради тешките дијагнози – најпрвин рак на тестиси, а потоа и тумори на абдоменот и други органи. Македонското здравство не успеа да обезбеди соодветна поддршка, па Виктор беше приморан дел од лекувањето да го продолжи во Турција. Средствата за неговото лечење беа собирани преку хуманитарни акции, во кои учествуваа бројни граѓани, јавни личности, како и музичката група „ДНК“.
