Македонскиот тенисер, Марко Алексовски, постигна голем успех на турнирот за играчи до 14 години во Барселона.
На патот до пехарот, Марко го елиминираше првиот, вториот и четвртиот носител, покажувајќи неверојатна игра и издржливост. Во финалето се соочи со вториот носител, Стефан Шангичев од Шпанија. Првиот сет заврши со тесен тај-брејк 7-6 (8-6), во кој Алексовски не искористи три сет топки. Во вториот сет Марко започна со убедливо водство од 3-0, по што противникот се предаде и го обезбеди пехарот за нашиот млад шампион.
Марко е дел од тимот на ITF-Tennis Europe, финансиран од Grand Slam Development Fund. Пред една недела настапи на полуфинале во Белгија, а веќе следната недела го очекува турнир во Аликанте, Шпанија.
