Актерката Весна „Бејби“ Петрушевска во подкастот „Претрес со Ландов“ отвори прашања што долго време остануваат без одговор во врска со трагичната смрт на Тоше Проески.
„Постојат детали на кои никој не одговори. На пример, кој беше возачот на камионот? Зошто исчезна? Дали воопшто беше спроведена истрага? Сѐ е некако заматено“, рече Петрушевска.
Таа додаде дека одговори нема ниту од родителите на Тоше: „Колку што знаеме ние, толку знаат и тие. Ме мачи истото како и целата јавност. Каде е возачот? Зошто го нема?“
За возачот на автомобилот во кој загина Тоше, актерката рече дека тој одлежа некое време во затвор, но дека детали за неговата состојба и денес се ретки, а семејството на Тоше не сака да го споменува.
Весна се присети и на последните разговори со Тоше, кога тој бил повреден: „Му реков кој ќе те вози, а тој ми одговори дека Џоле ќе го направи тоа. Се смее, уверуваше дека сè ќе биде во ред… Но, знаеш што е најстрашно? До денес нема целосни обдукциски наоди. Сѐ е чудно, заматено. Ние не ги добивме одговорите“, заклучи таа.
