Малиот Кејден Шеток од Англија се роди со само 2% кожа – доволно за да се покрие само неговото лице – и лекарите немаа надеж дека ќе преживее.
Сега, кога Кејден има шест месеци, неговата состојба се смета за чудо на медицината. При раѓањето, неговите млади родители, Џесика Киблер и Џејк Шеток, кои имале по 20 години, биле во шок: „Изгледаше како парче живо месо. Сите плачевме, а и медицинскиот персонал беше потресен“, се сеќаваат тие.
Бременоста минувала нормално, но поради компликации, Кејден се родил 30 недели порано. Во првите денови, родителите не смееле да го допираат, а медицинскиот тим го завиткувал внимателно за да не му наштети.
Со само 2% кожа, бебето не можело да носи облека, а во првите шест недели кожата почнала да расте сама. Сепак, Кејден се соочува со сериозни здравствени проблеми како некротичен ентероколит, вроден херпес, дермолиза и бронхиолитис.
„По 11 недели, конечно си дојдовме дома. Кејден е среќен, разгледува наоколу и ние сме пресреќни“, додава Џесика.
Оваа приказна е доказ дека со љубов, грижа и неверојатна медицинска поддршка, дури и најтешките почетоци можат да завршат со среќен крај.
