Жичарницата што води од Средно Водно до врвот на Водно и Милениумскиот крст веќе повеќе од 10 дена е затворена поради сервисни работи. Миќо Стојановски од синдикатот на ЈСП изјави дека жичарницата во изминатиот период работела „без работна дозвола“.
„Одамна не требало да превезува патници, но сепак функционираше“, истакна Стојановски, додавајќи дека сервисот е неизбежен, бидејќи едно од тркалата тежи 190 килограми.
Жичарницата е во функција веќе повеќе од 14 години, со инвестиција од 6,7 милиони евра. Владата минатата година најави дека планира втора фаза од проектот, од Капиштец до Средно Водно, за која сè уште се прават анализи и пресек на проектот.
