Грчките власти објавија повик за аплицирање за државни стипендии за додипломски студии на јавните универзитети во Грција, почнувајќи од академската 2025/2026 година.
Меѓу понудените програми се: грчки јазик и литература, историја и археологија, заштита на културното наследство, новинарство и медиуми, теологија (вклучувајќи исламски студии), право, економија, политички науки, медицина и здравствени науки.
Познавањето на грчкиот јазик е предност, но не е задолжително. Кандидатите кои не го знаат јазикот ќе имаат можност да посетуваат курс до осум месеци пред почетокот на редовните студии во академската 2026/2027 година.
Стипендијата вклучува:
- Месечен надомест од 650 евра
- Бесплатен курс по грчки јазик (доколку е потребно)
- Бесплатни учебници (освен оние на Факултетот за грчки јазик)
Кандидатите можат да аплицираат за најмногу три оддели и треба да приложат:
- Биографија на грчки или англиски јазик
- Копија од диплома за завршено средно образование
- Потврда дека дипломата овозможува прием во високообразовни институции во Северна Македонија
- Сертификат за познавање на грчки јазик (ако е достапен)
- Извод од матична книга на родени и потврда за државјанство
Сите документи мора да бидат официјално преведени на грчки јазик и соодветно заверени. Апликациите се поднесуваат лично во Амбасадата на Грција во Скопје или во Генералниот конзулат на Грција во Битола, најдоцна до 8 септември 2025 година. Повеќе информации се достапни на веб-страницата „Study in Greece“.
