Неколку жители на општина Ѓорче Петров вчера се соочиле со долгото чекање на автобусите на ЈСП. Во периодот меѓу 18:00 и 19:00 часот, на постојка во правец кон Центар, автобусите не се појавувале повеќе од 30-40 минути.
„Чекав добри 30-40 минути. Информациската табла покажуваше дека следниот автобус ќе дојде за неколку минути, но тие минути постојано се продолжуваа и автобусите одминуваа“, вели еден од читателите.
Вообичаено, во овој дел на градот, времето на чекање за автобус е меѓу 10 и 15 минути, што ја прави оваа ситуација невообичаена за патниците.
