Најголем дел од странските посетители на штипскиот музеј се туристи од Бугарија, покажуваат податоците на етнологот Славко Горгиев. Тие најчесто пристигнуваат преку организирани тури со автобуси или поголеми комбиња, а не ретко се и фамилијарни посети по препорака на роднини кои живеат во Штип.
„Најмногу туристи се од соседна Бугарија, доаѓаат организирани групи, но имаме и индивидуални посетители кои доаѓаат да ги видат музејот по препорака на своите блиски“, објаснува Горгиев.
Младите посетители најчесто покажуваат интерес за историскиот дел на музејот, барајќи информации кои не се вклучени во нивните учебници. Вработените се секогаш подготвени да им го пренесат своето знаење и да им објаснат детали за културното и историското наследство на градот.
Најголема посетеност се забележува во мај, кога се одржуваат редовни училишни екскурзии. Во другите месеци посетата е помала, но музејот и натаму секојдневно прима гости. Посебен впечаток на туристите им остава и музејот на восочни фигури во Ново Село, каде што се изложени 12 фигури на револуционери родени или поврзани со Штип.
