Премиерот Христијан Мицкоски од Штип истакна дека Владата апсолутно никогаш нема да се повлече од преговорите со Европската Унија, нагласувајќи дека целта е Северна Македонија да стане дел од Унијата.
На новинарско прашање за иницијативата на поранешната пратеничка Лилјана Поповска за оспорување на Протоколот од вториот состанок на Заедничката меѓувладина комисија со Бугарија, Мицкоски рече дека најдобро е да се почека одлуката на Уставниот суд.
Поповска тврди дека Протоколот е во спротивност со Уставот и меѓународното право, бидејќи не е ратификуван од Собранието и не ги почитува процедурите за склучување меѓународни договори, и бара негово поништување.
Уставниот суд веќе формирал предмет за испитување на оваа иницијатива.
