Во најновиот извештај за човекови права на Стејт департментот за 2024 година, администрацијата на Доналд Трамп целосно го отстрани делот за малцинствата во Бугарија — вклучувајќи ги и македонските. За разлика од лани, кога детално беа наведени случаите на одбивање регистрација на македонски организации и непочитување на пресудите на Европскиот суд за човекови права, годинава овие информации целосно отсуствуваат.
Не е познато дали ваквата промена е резултат на бугарско лобирање или на пошироката политика на новата администрација, но македонската дипломатија губи важен аргумент во спорот со Софија за правата на македонското малцинство.
Годинешниот извештај за Бугарија е значително пократок — 19 страници наместо 52, со акцент на слободата на говор и растечкиот антисемитизам, додека проблемите со корупцијата и правата на ЛГБТ заедницата, исто така, не се споменуваат.
