Фото: Принтскрин
Американскиот претседател Доналд Трамп на вчерашната прес-конференција во Белата куќа изнесе тврдење дека Русите, само поради погрешна стратегија, не го зазеле Киев на почетокот од војната.
„Русите ќе беа во Киев за 4 часа доколку одеа по автопатот. Но рускиот генерал донесе ‘брилијантна’ одлука наместо тоа да тргнат преку полињата. Паднаа огромни количини дожд и тие тенкови заглавија во калта. Не знам кој е тој генерал, но познавајќи го Владимир, веројатно веќе не е таму“, порача Трамп.
Слично тврдење изнесе и во мај во интервју за Fox News. „Путин не изгледа добро. А сака да изгледа добро. Не заборавајте, требаше да биде завршено за една недела. Да не заглавеа во калта со тие тенкови насекаде, ќе беа во Киев за отприлика пет часа“, изјави тогаш.
Колоната руски воени возила во Киевската област на почетокот од војната се протегаше околу 55 километри. Во почетокот, таа колона беше перцепирана како сериозна закана за Киев, но се запре.
Trump: "They [Russians] would have been in Kyiv in 4 hours, going down the highway. But a Russian general made a brilliant decision to go through the farmland instead. And those tanks got stuck in the mud. I don't know who that general is, but knowing Vladimir [Putin], he's… pic.twitter.com/3LnMOBcpLO
— Visegrád 24 (@visegrad24) August 11, 2025
