Фото: Принтскрин
Американскиот претседател Доналд Трамп денеска објави дека планира да ги отстрани бездомниците од центарот на Вашингтон и да преземе построги мерки против криминалците, додека градоначалникот на градот уверува дека стапката на криминал не е во пораст.
„Бездомниците мора да се отселат – веднаш! Ќе обезбедиме сместување, но далеку од главниот град. Криминалците, пак, нема потреба да се селат – нивното место е во затвор“, напиша Трамп на социјалната платформа Truth Social.
Од Белата куќа засега не прецизираат на кои законски механизми би се повикал претседателот за да ја спроведе оваа мерка, имајќи предвид дека федералната власт директно управува само со одредени објекти и земјиште во Вашингтон.
