Фото: Принтскрин
Американскиот претседател Доналд Трамп најави дека за време на претстојната средба со рускиот лидер Владимир Путин, која ќе се одржи во петок во Алјаска, брзо ќе процени дали постои реална основа за постигнување договор за запирање на војната во Украина.
„Ќе ми бидат доволни првите две минути од разговорот за да утврдам дали има шанси за договор“, изјави Трамп пред претставниците на медиумите, нагласувајќи дека е подготвен за искрен и директен дијалог.
Тој додаде дека очекува средбата да биде „конструктивна и продуктивна“, но не ја исклучи можноста дискусијата да заврши и без конкретен напредок.
