Фото: Принтскрин
Европската комисија соопшти дека таксата за користење на системот ETIAS ќе изнесува 20 евра, што е значително зголемување во однос на првично предвидените 7 евра. Новиот Европски систем за информации и одобрување на патувања треба да започне со примена во последниот квартал од 2026 година.
ETIAS е замислен како задолжителен електронски протокол за влез во Европската унија за сите патници кои доаѓаат од држави ослободени од визен режим. Системот е дел од новата ИТ инфраструктура на ЕУ, со цел да ја зголеми безбедноста на границите, а воедно да го олесни патувањето за граѓаните од земји кои не се членки на Унијата.
Како што појаснуваат од Европската комисија, поскапувањето на таксата се должи на повеќе причини: растот на инфлацијата од 2018 година, кога била утврдена првичната цена; зголемените трошоци за одржување и управување со системот; како и интегрирањето на дополнителни технички функционалности.
Од моментот на одобрување, дозволата ќе има важност од три години, или до истекот на важноста на патната исправа со која е издадена.
