Фото: Принтскрин
Заменик-претседателот на Владата и министер за животна средина, Изет Меџити, денеска беше запрашан од новинарите да го коментира скандирањето на иредентистички пароли за време на натпреварот на Националната арена „Тодор Проески“.
Меџити присуствуваше на средбата помеѓу Шкендија и Карабах, на која навивачката група „Балисти“ започна со скандирање на пароли како „Илирида“, а дел од останатата публика им се придружи.
Терминот „Илирида“ претставува политички концепт што подразбира формирање република која би ги опфатила подрачјата населени со етнички Албанци.
„Како Влада, ние ги осудивме сите што ќе посегнат по ксенофобија, по расизам. Имаше разлика. Во Куманово беа антиалбански настроени. Не ги оправдувам ни другите, но не беа антимакедонски настроени“, кажа Меџити.
