Фото: Принтскрин
Претседателката на Мексико, Клаудија Шејнбаум, денеска изјави дека припадници на американската војска нема да влезат на територијата на Мексико, по медиумските наводи дека Вашингтон ја разгледува таквата можност во борбата против нарко-картелите.
„Соединетите Американски Држави нема да дојдат во Мексико со војска. Соработуваме, но нема да има инвазија, тоа е апсолутно исклучено. Тоа не е дел од никаков договор, далеку од тоа“, рече Шејнбаум.
Порано денеска, весникот „Њујорк тајмс“ објави дека американскиот претседател Доналд Трамп потпишал наредба до Пентагон со која се иницира употреба на воена сила против одредени латиноамерикански нарко-картели, пренесе „Ројтерс“.
