ВИДЕО – Поставен е споменикот на македонскиот револуционер Александар Турунџев

Споменикот на македонскиот револуционер и војвода Александар Турунџев денеска беше преместен од дворот на општинската зграда и поставен на постамент во новоизградениот кружен тек кај Ат-пазар. Во наредните денови се очекува да продолжат финалните работи на постаментот, како и хортикултурно уредување на просторот околу него, со цел локацијата да добие целосен и уреден изглед.

Александар Турунџев (1872 – 30 август 1905) бил истакнат македонски револуционер и значаен учесник во националноослободителното движење. Како член и војвода на Македонската револуционерна организација, тој дал значаен придонес во борбата за ослободување на Македонија од османлиското ропство. Неговото име останува врежано во историјата како симбол на пожртвуваност и непокор.