Фото: acaamadeus_shelby
Комбе со кое патувале членовите на српскиот музички бенд „Амадеус“ утринава излетало од коловозот и се превртело, предизвикувајќи голема вознемиреност кај фановите и јавноста. Според првичните информации, инцидентот се случил додека бендот бил на пат кон нареден настап.
Еден од членовите на групата на социјалните мрежи објави фотографии од местото на несреќата, со што дополнително ја алармираше јавноста. За среќа, според досегашните информации, никој од присутните во комбето не е сериозно повреден, но причинета е материјална штета.
„Среќата нè следеше вечерва, како што беше во текот на сите овие 25 години. Фала му на Бога што никој од бендот не е повреден. Ајде да продолжиме понатаму“, објави Аца Амадеус.
