Фото: Принтскрин
Русија и САД се договориле за средба меѓу Владимир Путин и Доналд Трамп во наредните денови, соопшти помошникот на рускиот претседател, Јуриј Ушаков.
„На предлог на американската страна, во принцип е постигнат договор за одржување билатерална средба на највисоко ниво во наредните денови, односно средба меѓу претседателите Владимир Путин и Доналд Трамп“, изјави тој, пренесуваат РИА Новости.
Според неговите зборови, започнати се подготовките за самитот, а следната недела е означена како можен термин, иако засега е тешко да се каже колку време ќе бидат потребни за организацијата. Местото на одржување на средбата е договорено, но ќе биде објавено дополнително.
Специјалниот изасланик на шефот на Белата куќа, Стивен Виткоф, во средата ја спомена идејата за трилатерална средба меѓу Путин, Трамп и Зеленски, но Москва не даде никаков коментар по тој повод, додаде помошникот на претседателот.
