Фото: Принтскрин
Во попладневните часови, во централниот дел на Градскиот парк во Битола, пожарникарите интервенираа за спасување на дете кое се искачило на високо дрво и не можело самостојно да се симне.
Необичниот настан привлече внимание кај случајните минувачи и посетители на паркот, кои со загриженост ја следеа целата акција.
Сведоци на инцидентот изјавија дека детето се качило на едно од највисоките дрвја во паркот, но по извесно време останало заглавено на поголема висина, неспособно да слезе без помош.
На повик од граѓаните, на терен брзо пристигнала екипа од Територијалната противпожарна единица Битола. Со употреба на специјализирана опрема и добра координација, пожарникарите го симнале детето на безбеден начин. За среќа, детето не било повредено и поминало без последици.
