Фото: Принтскрин
Железници Транспорт АД Скопје денеска ја пушти во употреба четвртата целосно сервисирана локомотива, со што значително се зголемува оперативната способност на компанијата. Станува збор за едно од четирите модерни железнички возила набавени во 2018 година, кое поради недоволно одржување од претходното раководство беше надвор од функција уште од 2023 година.
Со оваа интервенција, сите четири локомотиви од таа генерација повторно се ставени во експлоатација. Од компанијата информираат дека во моментов располагаат со вкупно 13 возни единици – локомотиви и вагони – кои целосно ги задоволуваат тековните потреби за транспорт во рамките на државата, како и за меѓународниот железнички сообраќај.
