Фото: Принтскрин
На 6 август 2025 година, околу 01:10 часот по полноќ, во Секторот за внатрешни работи Скопје била примена пријава од Ургентниот центар при Комплексот клиники „Мајка Тереза“, во која се наведува дека кај нив бил хоспитализиран млад маж со повреди нанесени од огнено оружје.
„Според пријавеното, околу 00:30 часот пред дворот од негова куќа на подрачје на Бит Пазар, поради недоразбирање во сообраќајот, настанала расправија помеѓу него и соседот, по што соседот физички го нападнал.
Како што е пријавено, после тоа соседот и четири лица влегле во дворот на сега ранетиот и физички ги нападнале и неговиот татко и брат , при што соседот извадил пиштол, пукал и го погодил 25 годишникот во градниот кош и раката.
Увид извршила екипа на СВР Скопје и на местото биле пронајдени три чаури. По целосно расчистување и документирање на случајот, ќе бидат поднесени соодветни пријави“, соопшти МВР.
