„Сцените од Шкендија беа реприза на кумановската трагична приказна“, вели претседателката на Македонија

По вчерашниот натпревар меѓу Шкендија и Карабах, кој наместо со спортски дух беше обележан со националистички извици и недолични сцени на трибините, се огласи и претседателката на државата.

Таа ги осуди настаните, оценувајќи ги како „ненаучена лекција“ и повторно укажа на потребата од одговорност, достоинство и почитување на спортот како средство за обединување, а не за поделби.

„Сеопштата осуда на навивачкиот примитивизам на сите ни влеа надеж за цврста решеност за справување со овој неспортски феномен.

Просветителски звучеа апелите за ставање крај на националистичките и шовинистички повици од трибините.

Но, вчерашните сцени од меѓународниот натпревар Шкендија – Карабах беа реприза на кумановската трагична приказна.

Хипокризија и цинизам е селективното реагирање на неспортскиот вандализам.

Само со заедничка доследна и бескомпромисна битка со шовинистичките изблици, без оглед чии се, ќе градиме здраво општество“, напиша претседателката.