Фото: Принтскрин
Вршителот на должноста директор на НАСА се очекува во текот на оваа недела да издаде нова директива со која ќе се официјализира планот за изградба на нуклеарен енергетски систем на површината на Месечината до крајот на тековната деценија, пренесуваат американските медиуми.
Целта на оваа иницијатива е да се зацврсти водечката позиција на САД во вселенската трка, особено во услови на сè поизразена конкуренција од страна на Кина и Русија.
Според информации добиени од „Политико“, повикувајќи се на интерни документи, НАСА планира наскоро да распише јавен повик до приватниот сектор за изработка на предлози за дизајн и развој на нуклеарен реактор со моќност од 100 киловати.
Овој реактор би требало да обезбедува стабилна и одржлива електрична енергија за идните долготрајни мисии на Месечината, вклучително и оние со човечки екипаж.
