ЕВН најави исклучувања – делови од Скопје ќе бидат со часови без струја

Дел од жителите на општина Карпош денеска ќе се соочат со прекин во снабдувањето со електрична енергија.

Според информациите од Регионалниот центар за управување со кризи – Скопје, планираните исклучувања ќе се реализираат во текот на денот, во различни временски интервали.

Така, од 9:00 до 14:00 часот без струја ќе бидат корисниците на делови од улиците „Згребска“ и „Милан Марковиќ“, додека од 9:30 до 14:30 часот прекин во напојувањето ќе има и на улица „6“ во селото Бардовци.