Фото: Принтскрин
Градоначалничката на Скопје остро реагираше на тековна градежна интервенција во општина Чаир, за која тврди дека претставува класичен пример на незаконска градба и злоупотреба на службена должност. Таа посочува дека институциите молчат и со тоа, наместо да спречат, стануваат соучесници во криминал.
„Вработените во администрацијата на град Скопје и јас како градоначалник, кога имаме информација или пријава дека се оштетува буџетот за градот и кога сме сведоци на докази за фалсификувани службени документи, согласно закон сме обврзани истото да го пријавиме, во спротивно со молк стануваме соучесници во криминалот со незаконските легализации.
Во овој момент со тоа што молчат, соучесници им се бројни институции, чија порака е дека во Чаир и за Висар Ганиу ЗАКОНИТЕ НЕ ВАЖАТ.
Овде дивоградбата е веќе на 3та плоча, на 100% од површината односно на цела површина од ископот на парцелата, се гради СЕГА на земјиште на РМ, нема платено ниту денар комуналии со што е оштетен буџетот на градот и се оштетуваат сите граѓани кои се чесни и кога градат плаќаат комуналии“, објави Арсовска.
