„Светски гигант во рангот на Гугл и Фејсбук ќе купува струја од Македонија“, вели Мицкоски

Се повеќе глобални компании ги насочуваат своите инвестиции кон обновливи извори на енергија, а Македонија полека се наметнува како потенцијален играч во оваа сфера. На ова укажуваат и најновите информации кои денеска ги сподели премиерот Христијан Мицкоски од собраниската говорница, каде најави дека е во завршна фаза договорот со еден голем светски бренд кој е заинтересиран за купување електрична енергија произведена токму во нашата држава.

„Можеби некој не успеа да ги донесе ‘Гугл’ и ‘Фејсбук’, но е многу веројатно дека еден голем светски бренд ќе набавува струја од Македонија“, изјави премиерот.

На прашањата кој е гигантот, премиерот Мицкоски даде краток одговор.

„Ќе оставам тоа да го соопшти компанијата-инвеститор до крајот на август. Тие се во завршна фаза на преговори“, кажа Мицкоски.