Фото: Принтскрин
Од ноември оваа година, Скопје ќе добие директни авионски линии до пет нови европски дестинации – Мадрид, Стокхолм, Прага, Бари и Келн.
Веста беше официјално соопштена од вицепремиерот и министер за транспорт и врски, Александар Николоски, по потпишувањето на договорот со авиокомпанијата што ќе ги оперира новите летови.
Новите дестинации се дел од поширока стратегија за развој на воздушниот сообраќај и интернационална поврзаност на Македонија. Со нивниот старт, бројот на нови авиолинии од земјава само во последната година ќе достигне вкупно 16, истакна министерот.
