Фото: Принтскрин
Споменикот на Андон Лазов Јанев – Ќосето, еден од најпознатите македонски револуционери, доби нова локација откако беше отстранет од просторот пред комплексот судови во Скопје. Сега е поставен на кружниот тек во населбата Автокоманда, каде што повторно стана достапен за јавноста.
„Со поставувањето на спомен обележјето во чест на македонскиот револуционер Андон Лазов Јанев – Ќосето, оддаваме признание за неговиот неуморен дух и саможртва во борбата за слободна и независна Македонија.
Андон Лазов Ќосето, познат по својата борбеност и непокор, е симбол на македонската историја и еден од истакнатите учесници во Илинденското востание. Неговата улога во револуционерното движење е од непроценливо значење за денешната слобода и независност на нашата држава“, објави градоначалничката Данела Арсовска.
