Македонија за шумските пожари ќе добие помош од Чешка и Словенија

Стојанче Ангелов, директорот на Дирекцијата за заштита и спасување, попладнево соопшти дека од Чешка пристигнала официјална понуда за поддршка во справувањето со активните пожари на територијата на земјава.

Како што нагласи Ангелов, понудата веднаш била прифатена, а помошта се однесува на испраќање на хеликоптер од типот „Блек Хок“, кој ќе биде вклучен во гаснење на пожарите од воздух.

Исто така, пристигнува помош од Словенија со 50 пожарникари и специјални возила за гаснење на пожари.