(Видео) Нападна македонски судија во Србија – го давеа и удираа пред деца

Голем инцидент го засени финалето на Европското младинско првенство во бокс, кое се одржа во Златибор, Србија. За време на финалниот меч во категоријата до 75 килограми, македонскиот судија Стефан Цубалевски беше физички нападнат од тренер на азербејџанската репрезентација.

Натпреварот се водеше помеѓу Јусуф Агакишијев од Азербејџан и домашниот фаворит Виктор Мајсторовиќ. Во текот на борбата, по одлука на судијата што очигледно не му се допаднала, тренерот на Агакишијев прво бурно реагирал со навреди, а потоа агресивно се искачил во рингот. Следувал шокантен момент: го фатил судијата за врат и почнал да го удира, пред очите на бројна публика.

Посебно вознемирувачки е фактот што на трибините имало голем број деца – дел од нив учесници на првенството.