Фото: Принтскрин
Четири лица од Ресен — Б.Р. (26), У.Р. (53), Б.Ј. (23) и Е.Ј. (23) – се приведени од страна на полициските службеници на ОВР Ресен по сериозен инцидент што се случил за време на спроведување на службени активности.
Како што информираат од Секторот за односи со јавност при СВР Битола, инцидентот започнал кога полициски службеници сопреле патничко возило марка „Фиат“ без регистарски таблички, управувано од Б.Р. (26). Додека полицијата вршела проверки, на местото пристигнало друго возило со кое дошле и останатите три лица. Во тој момент, Б.Р. повторно го стартувал возилото и, во обид да избега, со автомобилот прегазил еден полицаец по ногата, а друг полициски службеник бил удрен во раката.
„Од Секторот за односи со јавност при СВР Битола информираат дека при вршење на службени дејствија, полициските службеници сопреле патничко возило „фиат” без регистарски ознаки, управувано од Б.Р. (26) од Ресен, а откако на местото со друго возило пристигнале другите лица, Б.Р. го стартувал возилото и на ногата прегазил еден полициски службеник и удрил во раката друг полициски службеник, по што сите заедно со тврди предмети ги нападнале полициските службеници кои вршеле службени дејствија“, соопшти МВР.
