Фото: Принтскрин
Инфлуенсерката и ТВ водителка Миа Костова во неодамнешното гостување во емисијата „Претрес со Ландов“ проговори отворено за здравствената состојба на музичарот и продуцент Владимир Блажев – Панчо, кој и натаму е хоспитализиран во клиничката болница „Аџибадем Систина“.
Во разговорот, Костова изрази загриженост, но и надеж дека Панчо наскоро ќе закрепне, посочувајќи дека неговата состојба е сериозна, но стабилна.
„Имам информација дека е многу подобар физички. Како и за сите повредени во трагедијата во Кочани, и за него ќе биде потребно многу време за да заздрават изгорениците, особено на рацете. На едната рака закрепнувањето оди побавно. Психички сè уште се работи со него. Голем тим од психолози и психијатри се ангажирани и верувам дека наскоро ќе го очекуваме да излезе од болница“, кажа таа.
