Фото: Принтскрин
Полицијата во Прилеп интензивно трага по 36-годишната Л.И. и нејзиниот 17-годишен син, кои се водат како исчезнати од 18 јули. Исчезнувањето било пријавено дури една недела подоцна, на 25 јули во 08:20 часот, во Отсекот за внатрешни работи Прилеп.
Случајот го пријавил С.Ќ. (48) од Прилеп, сопруг на исчезнатата жена, кој информирал дека неговата сопруга го напуштила домот заедно со нивниот син и од тогаш не се јавила ниту воспоставила контакт. Според неговото сведочење, Л.И. имала и одредени здравствени проблеми, што дополнително ја зголемува загриженоста.
Од Министерството за внатрешни работи информираат дека се преземаат сите неопходни мерки за лоцирање на исчезнатите и целосно расчистување на околностите поврзани со нивното заминување.
