Фото: Принтскрин
Неделава Скопје и Куманово се домаќини на Европскиот младински олимписки фестивал, настан кој треба да биде гордост и можност за афирмација на нашата земја на спортската мапа на Европа. Сепак, организацијата на ова значајно спортско случување откри низа слабости, што укажува дека надлежните институции и локалните власти не биле целосно подготвени за ваков предизвик.
Иако ваквите настани се планираат со месеци однапред, некои подготовки се оставени за последен момент. Како што пренесе порталот „24 инфо“, во Куманово неколку часа пред трката на младите велосипедисти, работници итно пополнувале дупки во асфалтот на трасата по која требало да се движат учесниците.
