Фото: Facebook
ВМРО-Народна партија, предводена од поранешниот премиер Љубчо Георгиевски, објави дека на претстојните локални избори во Општина Тетово, кои се закажани за октомври, ќе настапи самостојно. Од партијата најавуваат дека на изборите ќе учествуваат со своја независна советничка листа, како и со кандидат за градоначалник.
Во официјалното соопштение, од ВМРО-НП нагласуваат дека ќе предложат личност која поседува „обединувачка енергија“ и е носител на визија за едно понапредно и современо Тетово.
„Им порачуваме на сите Македонци и останатите граѓани на Тетово дека во ВМРО-НП секогаш ќе имаат партнер од доверба кој нема да ги изневери интересите на македонскиот народ во овој дел од Македонија. Тетово секогаш бил и ќе остане македонски град“, се вели во соопштението.
