Потрагата продолжува: 29-годишната девојка неколку пати се обидела да ја извлече малолетничката

Инцидент се случил вчера попладне во близина на селото Уланци, општина Градско, кога 16-годишно девојче било однесено од водите на реката Вардар. Според информациите од Министерството за внатрешни работи, настанот бил пријавен околу 16:30 часот во СВР Велес.

Во моментот на несреќата, девојчето било во друштво со 29-годишниот К.П. од Скопје, кој привремено престојува во селото Уланци. Двајцата се капеле во реката кога, според првичните информации, силното речно течение ја повлекло малолетничката.

„К.П. неколку пати се обидела да ја извлече, но не успеала. Веднаш по пријавата, полициски службеници од СВР Велес во координација со САЕ Тигар, Единицата за специјални намени Волци на Армијата, припадници на Дирекцијата за заштита и спасување, Територијалната противпожарна единица и кајакари од кајакарски клуб од Велес започнале потрага за пронаоѓање на девојчето, која беше прекината во 20.50 часот и продолжи денеска“, соопшти МВР.