Фото: Принтскрин
Денеска, околу 16:42 часот, на бројот за итни повици била примена тревожна пријава за исчезнување на две женски лица – девојчиња на возраст од 16 и 26 години – кои, според информациите, потонале во водите на реката Вардар, во близина на селото Уланци, општина Градско.
Повикот бил упатен од сестрата на помладото девојче, која била сведок на настанот и во паника побарала итна интервенција. Набргу потоа, случајот го потврдил и лекар од Итната медицинска помош во Велес, кој ја алармирал потребата од итна акција за пребарување и спасување во водите на Вардар.
Веднаш по приемот на пријавата, Центарот за управување со кризи (ЦУК) ги информирал сите надлежни институции, вклучително и Специјализираните единици за кризни ситуации при МВР, Оперативниот центар на Генералштабот на Армијата и Дирекцијата за заштита и спасување. Била побарана итна мобилизација на тимови за потрага и интервенција на вода, со цел да се започне акцијата што е можно побрзо.
