Фото: Girona FC
Македонскиот напаѓач Бојан Миовски стигна до првиот трофеј како нов член на шпанскиот прволигаш Џирона, освојувајќи го Купот на Каталонија по драматична победа над градскиот ривал Еспањол.
Финалниот дуел помеѓу Џирона и Еспањол заврши без голови во регуларните 90 минути (0-0), по што следеше пенал-серија. Во неизвесна завршница, фудбалерите на Џирона беа прецизни и триумфираа со 5-4. Миовски се вклучи во игра на почетокот на второто полувреме и со самоуверен настап го реализираше вториот пенал за својот тим.
Овој успех има уште поголема тежина бидејќи доаѓа токму на 95. роденден на клубот, што го прави трофејот уште посимболичен и значаен за навивачите и играчите на Џирона.
