Фото: Принтскрин
Секторот за внатрешни работи Куманово поднесе кривична пријава против 47-годишниот З.А. од Куманово, поради основано сомнение дека извршил кривично дело „фалсификување исправа“.
Според информациите од истрагата, пријавениот, кој е вработен во јавно претпријатие, на нелегален начин обезбедил фалсификувана диплома за завршено средно образование.
Овој документ потоа го употребил при конкурирање на јавен оглас со цел да добие унапредување на работната позиција. Со тоа не само што стекнал материјална корист преку повисока плата, туку и дополнителни бенефиции и службени привилегии кои му следуваат по основ на повисокото работно место.
