Фото: MKD Olympic Team
Македонската младинска репрезентација во баскет 3х3 ја впиша својата втора победа на Европскиот младински олимписки фестивал (ЕМОФ), кој оваа година се одржува во Скопје.
Во возбудлив дуел против силната селекција на Германија, нашите млади кошаркари славеа со 14-10, што претставува ретка светла точка за Македонија во екипните спортови на овој фестивал.
По вчерашниот триумф на женската репрезентација против Литванија, денешниот успех на момците уште еднаш го потврдува потенцијалот на македонскиот баскет 3х3. Најзаслужен за победата беше Благојче Димитровски, кој постигна импресивни 10 поени од вкупно 14.
Фото: MKD Olympic Team
