Фото: Принтскрин
Трагедија ја потресе Турција – десет пожарникари ги загубија животите, а уште 14 се повредени во обид да го стават под контрола големиот шумски пожар што беснее во покраината Ескишехир, во централниот дел на земјата. Тажната вест ја потврди турскиот министер за земјоделство и шумарство, Ибрахим Џумакли.
Според информациите, огнената стихија избувнала во раните утрински часови во шумски предел кај населбата Сејитгази, а силните ветрови дополнително ја отежнале интервенцијата. Спасувачките екипи и пожарникарите храбро се бореле со пламените јазици, но ненадејна промена на насоката на ветерот довела до вистинска катастрофа.
„Вкупно 24 пожарникари беа опколени од огнот кога се смени правецот на ветерот и пламенот ги зафати нивните позиции“, изјави Џумакли пред новинарите.
