Фото: Принтскрин
Група млади туристи од Србија се најдоа во центарот на вниманието на TikTok, но наместо славата што ја посакуваа, нивната постапка им донесе сериозни последици – висока парична казна.
Настанот се случил за време на нивниот престој на Малта, каде што снимија видео кое подоцна стана вирално на платформата TikTok. Видеото, објавено од корисникот @vasicc11, користи популарен хаштаг поврзан со Jet2Holidays и веќе има над 3,6 милиони прегледи. На снимката се гледа како неколку момчиња ја претвораат изнајмената сместувачка единица во вистинско лизгалиште, истурајќи вода по подот додека еден од нив се лизга на стомак и се обидува да ги собори шишињата поставени како кегли.
Иако првично добија внимание и смеа на социјалните мрежи, малтешките власти и сопственикот на објектот не се забавуваа. Туристите добиле казна за оштетување на имотот и несоодветно однесување, а локалните медиуми пренесуваат дека сопственикот размислува и за дополнителна тужба за нанесена штета.
