Фото: PavelAndreev.org
Стефанија има само 15 години, а секој нејзин ден е борба – борба за еден чекор, за стабилност, за малку детска слобода и живот без болка. Родена со тешка дијагноза, од првиот здив таа не знае што значи лесно движење. Нозете и половината ѝ се слаби, а секој чекор ѝ претставува мака. Поминала низ неколку операции, за време на кои нејзините родители беспомошно гледале како лежи, трпи и се мачи, додека единственото што можеле да направат било да ѝ ја држат раката и да ѝ дадат поддршка.
Семејството живее скромно. Таткото е лице со инвалидитет, а двајцата родители вложуваат сè што можат за да ѝ помогнат, но тоа сè почесто не е доволно. Последната надеж доаѓа по консултација со лекари – во болницата „Неуромедик“ во Ниш ѝ е понуден специјализиран третман кој може значително да ѝ го подобри движењето. Станува збор за терапија која може да ѝ го промени животот.
Но, цената за тој третман е недостижна за семејството, кое сега бара поддршка за да ѝ ја овозможи на Стефанија шансата што толку многу ја заслужува.
