Фото: Принтскрин
Утрово, на 21 јули 2025 година, околу 07:16 часот, во СВР Скопје бил пријавен пожар што избувнал во автобус на Јавното сообраќајно претпријатие (ЈСП) додека се движел по булеварот „Борис Трајковски“ во Скопје. Возилото било управувано од С.Б., која веднаш реагирала на ситуацијата.
Според информациите, С.Б. успеала самостојно да го изгасне пожарот и со тоа спречила можни поголеми последици. Поради вдишување чад и можни здравствени последици, таа била пренесена со возило на Итната медицинска помош во Клиниката за токсикологија при клиничкиот центар „Мајка Тереза“ во Скопје, каде што ѝ била укажана соодветна лекарска помош.
Надлежните органи преземаат мерки за целосно расчистување на случајот, а причините за настанување на пожарот ќе бидат утврдени по завршувањето на истрагата.
Фото: Принтскрин
