Политичарката Амети ги „застрела“ Марија и Исус – познато каква казна доби од судот

Јавното обвинителство во Цирих побара значителна парична казна за швајцарската политичарка Санија Амети, копретседателка на либералното движење „Операција Либеро“, поради контроверзен настан кој предизвика бурни реакции во јавноста.

Случајот се однесува на инцидент од минатата година, кога Амети објавила фотографија на која се гледа оштетена и изрешетана слика на Дева Марија со бебето Исус – дело што, според обвинителството, го навредува верското чувство на граѓаните.

Обвинителството бара од судот да ѝ изрече казна во висина од 10.000 и 2.500 швајцарски франци, како и дополнителни 1.500 франци за покривање на судските трошоци – вкупно сума од приближно 15.000 евра. Во обвинителниот акт се наведува дека Амети, инаку родена во Босна и Херцеговина, „јавно и навредливо ги омаловажувала религиозните верувања на други луѓе, особено верата во Бога“.

Контроверзната објава била поставена на Инстаграм во септември 2024 година, при што сликата од Дева Марија со детето Исус била прикажана со околу дваесет траги од куршуми.